Дискурсивті маркерлердің лингвопрагматикалық ерекшеліктері
Қаралымдар: 94 / PDF жүктеулері: 26
DOI:
https://doi.org/10.32523/2616-678X-2025-153-4-62-74Кілт сөздер:
дискурсивті маркерлер, лингвопрагматикалық ерекшелік, тілдік подкасттар, медиадискурс, ауызекі сөйлеу тілі, коммуникацияАңдатпа
Бұл мақалада қазіргі қазақ тілді подкасттар негізіндегі дискурсивті маркерлердің лингвопрагматикалық ерекшеліктері кешенді түрде талданады. Зерттеу жұмысының өзектілігі қазақ тіліндегі подкасттардың жедел дамып, заманауи ауызекі сөйлеу мен коммуникациядағы жаңа үрдістерді анық көрсетуімен түсіндіріледі. Зерттеуде дискурсивті маркерлердің қызметтері, атап айтқанда сөйлеуді ұйымдастырудағы, сөйлеуші мен тыңдаушы арасындағы өзара әрекетті қалыптастырудағы, сондай-ақ айтылымның модальдылығы мен эмоционалды реңін жеткізудегі рөлінің маңыздылығы көрсетіледі. Зерттеу барысында контекстік және құрылымдық талдау, жаппай іріктеу мен бақылау әдістері қолданылған. Зерттеу материалының негізі ретінде транскрипцияланған қазақ тілді подкасттардың аудиожазбалары алынған. Дискурсивті маркерлердің регулятивті және ұйымдастырушы болып жіктелуі беріліп, олардың медиадискурстағы, әсіресе подкаст жанрындағы прагматикалық функциялары жан-жақты қарастырылды. Зерттеу нәтижелері дискурсивті маркерлердің мәтіннің байланыстылығын қамтамасыз етуде және ауызекі сөйлеуде тиімді коммуникация орнатуда маңызды рөл атқаратынын көрсетеді. Жұмыстың практикалық маңыздылығы – алынған деректерді коммуникациялық дағдыларды дамытуға, лингвопрагматикалық құзыреттілікті жетілдіруге және медиа мәтіндерді талдауға қолдануға болатындығында. Бұл зерттеу қазақ тіліндегі дискурсивті маркерлердің қызметі мен жіктелу ерекшеліктерін ашып, болашақ қолданбалы және теориялық зерттеулерге негіз бола алады.
Жүктеулер
Жарияланды
Дәйексөзді қалай келтіруге болады
Журналдың саны
Бөлім
Лицензия
«Л.Н. Гумилев атындағы Еуразия ұлттық университетінің Хабаршысы. Филология сериясы» ғылыми журналы жарияланған материалдарға ашық қолжетімділік (Open Access) саясатын ұстанады. Журнал редакциясы ғылыми білімді еркін және тең дәрежеде тарату қағидатына негізделе отырып, зерттеу нәтижелеріне ашық қолжетімділік филология ғылымының дамуына, академиялық коммуникацияның нығаюына және отандық зерттеулердің халықаралық ғылыми кеңістікке ықпалдасуына ықпал етеді деп есептейді.
1. Еркін және тегін қолжетімділік
Журналда жарияланған барлық мақалалар басылымның ресми сайтында ашық қолжетімді түрде орналастырылады және барлық пайдаланушылар үшін шектеусіз, тіркеусіз және ақысыз қолжетімді.
Пайдаланушылардың құқықтары:
-
материалдарды еркін оқу және жүктеп алу;
-
жарияланым мәтіндерін көшіру және тарату;
-
мақалаларды басып шығару;
-
авторын және жарияланған дереккөзін міндетті түрде көрсете отырып, материалдарды ғылыми және білім беру мақсаттарында пайдалану.
2. Лицензиялау
Журнал материалдары Creative Commons Attribution-NonCommercial 4.0 International (CC BY-NC 4.0) лицензиясы негізінде таратылады:
https://creativecommons.org/licenses/by-nc/4.0/
Аталған лицензия авторлықты және түпнұсқа жарияланымға сілтемені міндетті түрде көрсете отырып, материалдарды коммерциялық емес мақсатта пайдалану, көшіру, тарату және бейімдеу құқығын береді.
3. Ашық қолжетімділіктің артықшылықтары
Ашық қолжетімділік саясаты мыналарды қамтамасыз етеді:
-
ғылыми жарияланымдардың көрінуі мен дәйексөзделу деңгейінің артуын;
-
филология, тіл білімі, әдебиеттану және аударматану салаларындағы зерттеу нәтижелерінің жедел таралуын;
-
халықаралық ғылыми ынтымақтастықтың кеңеюін;
-
оқырмандардың қаржылық және техникалық кедергілерсіз өзекті ғылыми ақпаратқа қол жеткізуін.
Журнал редакциясы редакциялық үдерістердің ашықтығын, рецензиялау сапасының жоғары деңгейін және филологиялық зерттеулер саласындағы ғылыми нәтижелердің кең қолжетімділігін қамтамасыз етуге ұмтылады.
