Кірме сөз мәселелерін зерттеудегі интегративтік тәсілдер

Аңдатпа

Халықаралық байланыстардың негізінде тіларалық қатынастардың күшейетіндігін ескерсек, оның негізгі индикаторларының біріне, сөз жоқ, кірме сөздер жатады. Кез келген тілдің сөздік қоры, бір жағынан, сол тілдің өз мүмкіндіктерін саралап пайдалану, іштен түлеу жолымен
дамып, молайып отыратын болса, екінші жағынан, өзге тілдерден кірме сөздерді қабылдау арқылы
толығады. Кез келген тілдің лексикалық қорына, салалық терминологиялық қабатының қалыптасуына қатысты мәселелерді басқа ғылымдармен (этнология, психология, әлеуметтану, мәдениеттану т.б.) байланыста зерттегенде ғана нәтиже бермек. Интеграциялық тәсіл бойынша зерттеуді қажет
ететін тіл біліміндегі аса маңызды тақырыптар қатарына кірме сөз мәселесі жатады. Мақалада кірме лексемалардың теориялық және методологиялық негіздері лингвистикалық контактологияның
интегративтік тәсілдерге (этнолингвистика, психолингвистика, социолингвистика, лингвомәдениеттану, лингвоэкология) сәйкес кешенді түрде анықталды