Мнемоникалық тірек сөз әдісінің ағылшын тілінің лексикалық оқыту процесіне әсері

Аңдатпа

Шет тілін үйренудің инновациялық әдістерінің бірі-сөздерді есте сақтау үшін мнемотехниканы қолдану. Когнитивті ғылым және есте сақтаудың негізгі принциптері тұрғысынан бұл әдіс оқытудың ең тиімді әдістерінің бірі болып саналады. Ассоциативті байланыстарды қалыптастыру сияқты когнитивті процестер ақпаратты есте сақтауда маңызды рөл атқарады. Тірек сөздердің мнемоникалық әдісін қолдана отырып, сөздерді жаттау кезінде психикалық бейнелер мен байланыстар жасау маңызды. Сонымен қатар, бұл процесс когнитивті функциялардың визуалды және шығармашылық аспектілерін белсендіреді. Жүргізілген эксперименттік зерттеу осы әдісті қолдануға үйретілген студенттердің оны қаншалықты пайдалы деп санайтынын және болашақта қолдануды жалғастырғысы келетінін түсінуге бағытталған. 

Бұл мақалада ағылшын лексикасын есте сақтау үшін мнемоникалық тірек сөз әдісін қолдану  қарастырылады. Мнемотехниканы қолдану оқушылардың ынтасын арттырады және олардың сөздік қорын едәуір кеңейтуге мүмкіндік береді. Зерттеудің мақсаты студенттердің осы әдіске қатысты пікірлерін анықтау болды. Осы мақсатқа жету үшін Л. Н.Гумилев атындағы Еуразия ұлттық университеті бакалавриатының бірінші курс студенттері арасында сауалнама (questionnaire) жүргізілді. Сауалнамаға бір академиялық семестрде ағылшын тілі сабақтарында мнемоникалық тірек сөзі әдісін қолданған студенттер қатысты. Зерттеу нәтижесінде студенттердің берілген әдістің тиімділігіне, студенттердің болашақта осы әдісті қолдану ниетіне, олардың таңдауына әсер ететін факторларға және әдісті қолдану процесінде туындайтын қиындықтарға қатысты көзқарастары анықталды.