Ағылшын тілін оқытудағы когнитивтік көрнекілік (S. Gorlin «Nuclear English» оқулық негізінде)

Аңдатпа

Бұл мақалада тілдік емес мамандықтарда оқитын студенттеріне ағылшын тілін оқытуда кейбір когнитивтік көрнекілік әдістерін қолданудың практикалық тәжірибесі қарастырылады. С. Горлиннің «Nuclear English» оқулығында берілген көрнекі материалдардың мысалын пайдалана отырып, тапсырмалардың барлық түрлері қарастырылып, олардың артықшылықтары зерттеледі. Оқулықтағы әрбір сабақта атом электр станциялары, атом станцияларының құрылысы, уран өндіру, ядролық реакторларды басқару, ядролық калдықтарды өңдеу жұмыстары, өндіру кезіндегі қақтығыстарға соққы болу тақырыптары ұсынылған. Жоғарыда аталған оқу тақырыптары мәтіндердің мазмұнын түсіну және жұмыс тізбегінің барлық ағынын импровизациялау үшін когнитивтік көрнекілікті қолдануын талап етеді. Көрнекі ақпарат (иллюстрация, график, карикатура, сурет, инфографика, бейнеролик, флипчарт, слайд, презентациялар) зияткерлік мүмкіндіктерді, сыни ойлауды, белсенді қиялды, ақпаратты беруге шығармашылық көзқарасты пайдалануға ынталандырады. Зерттеу когнитивтік көрнекілікті қолданудың негізгі мақсаты жаңа материалды қайта құру емес, оны қарапайым әдіспен ұсыну болып саналады. Танымдық көрнекі элементтерді пайдалану лексикалық материалды нақты меңгеруге ықпалын тигізіп, оқылған тақырыптарды есте сақтау үшін көрнекі қабылдауды ынталандырады.