Студенттік орталықтандырылған білім беру және тиімді оқыту ортасы

Аңдатпа

Мақала мектептер мен жоғары оқу орындары сабақтастығының басты бағыттарын айқындауға арналады. Мамандарды даярлаудың өзекті мәселелері қарым-қатынас дағдысы мен
шешендік құзіреттілік, оның ішінде «әдеби тұрғыдан ойлау» әдісінің көмегімен және сөйлеу әрекетін дамыту үдерісі мысалында қарастырылады.
Авторлар орта білім беру жүйесін реформалау негізінде алынған Назарбаев зияткерлік мектептерінің тәжірибесіне көңіл бөледі.
ЖОО-дағы оқу үдерісі технологияларының кешенді моделінің сипаты озық деген жаңа
әдіс-тәсілдермен оқытуға сүйенеді. Әсіресе коммуникативтік-әрекеттестік тәсіліне баса назар аударылады. Модельдердің басты ұстанымдары ретінде метабілім, педагог мамандардың әлеуметтік
конструктивтілік түрлері ұсынылады.
Сараптауға оқытудың нәтижелілігінің жаңаша үлгісі, S-S бойынша субъект пен субъект әрекеттестігін танытатын оқытушы мен студенттің байланысы, студенттің шешендік құзіреттілігін қалыптастыру жолдары, студенттердің оқуға деген ынтасын, оның ішінде эмпатиясын қалыптастыру
тетіктері алынды.
Авторлар оқыту ортасының тиімділігі факторларын баяндайды. Білім алушылардың танымдық және мінез-құлық белсенділігіне оң ықпал ететін зерттеу тәжірибесін оқыту әдісі, ашықтық,
басқарушылық әдісі, эксплицитті әдіс қарастырылады. Оқытушының рөлі рефлексті маман ретінде
көрсетіледі. Студенттердің аргументті ойлау дағдыларын дамыту, танымдық және метатанымдық
алаңдарын жобалау жолдары сипатталады