Эпистолярлық мұра: хаттар мен хаттасулар (Сәбит Мұқанов жазбалары негізінде)

Аңдатпа

Мақалада Сәбит Мұқановтың мол шығармашылық мұрасына арқау
болған, оқырмандармен, ғылыми ортамен жазысқан хаттары мен түрлі жазба-деректері талданып, эпистолярлық жанр аумағына қарастыруға болатын деректер қамтылған. Жазушының алуан жанрды жан-жақты қамтитындығын, тақырыптық һәм көркемдік-эстетикалық
құндылықтарды арттырғандығын, әдеби реалистік мән мен стильдік ерекшеліктерді қолданғандығын, бай қазақы тіл мүмкіндіктерін қалың көпшілік қолданысына лайықты жеткізе білгендігін ескеріп, мәдени-рухани сұраныстарымызды толықтыру мақсатында Сәбит
Мұқанов жазбалары қамтылған.
Сәбит Мұқановтың эпистолярлық мұрасы (хаттар мен хаттасулар) қалың көпшіліктен бастап, әртүрлі кәсіп иелері, оның ішінде мектеп оқушылары мен студент жастар, зиялы қауым өкілдері, ақын-жазушылар, танымал тұлғалар, кино және театр қайраткерлері,
еңбек адамдары т.с.с кеңінен қамтып, оның бәрі – баршасында ұлт мұрасы мен руханият ісі,
көркемөнер мәселесі, әдеби шығармашылық пен оны дамыту мен жетілдіру жайы кеңінен
қозғалады. Сәбит Мұқановтың өмірі мен шығармашылығы туралы зерттеу еңбектері, бағалы ой-пікірлер жүйесі де бай мазмұн, тағылымды тұстарымен маңызды болып табылады.