Жетес би тағылымы

Аңдатпа

Бұл мақалада Сыр өңірі билерінің бірі, өз заманында от ауызды орақ тілді шешендігімен көзге түскен Жетес би турасында кеңірек тоқталдық. Бидің ғұмырнамасымен танысып,
өзі өмір сүрген кезеңдегі ойып алар орны туралы сөз қозғадық. Сонымен бірге Жетес бидің өз аузынан шыққан ұтқыр сөздері мен кейінгі буынға қалдырған кемел істері, көрегендік қасиетіне шолу
жасадық. Сондай-ақ, әлеуметтік-қоғамдық мәселелерді шешудегі рөлі мен жетім-жесір дауының
шешімін шығарудағы кемеңгерлігі турасында айттық. Жетес бидің тапқыр шешен, көреген көсем
ғана емес, адамды тану және заманды болжау тұрғысынан сәуегей болғанына көз жеткіздік. Бүгінгі
ұрпақ ақыл теңізіне сүңгіп, білім нәрімен сусындап, тағылымға толы тәрбиеге қанық болуы үшін
шешендік өнер мен би-шешендер нақыл сөздерінің маңызы зор