Стилистикадағы концептуалды интеграция принципі

Аңдатпа

Мақалада концептуалды интеграцияның бастапқы ережелері қарастырылады және концептуалды интеграция үдерісі, бастапқы кеңістіктер, жалпы кеңістіктер мен араластырулар айқындалады. Зерттеудің мақсаты – метафораларды және басқа да тілдік құбылыстарды жасау және қолдану барысында болатын когнитивтік процестер контексіндегі концептуалды интеграция теориясының негізгі ережелерін сипаттау. Жұмыстың өзектілігі көптеген тілдік бірліктердің, соның ішінде бірқатар стилистикалық құбылыстардың табиғатын түсіндіру үшін концептуалды интеграция теориясының ережелерін қолдану мүмкіндігі қарастырылуымен түсіндіріледі. Жұмыста концептуалдық интеграция механизміне негізделген бірқатар тілдік құбылыстарға талдау жасалады: принцип негізінде құрылған сөз тіркестері, кейбір грамматикалық құрылымдар, күрделі зат есімдер.  Сонымен қатар, концептуалды интеграциялық принципке негізделген стильдік құбылыстар дәйектеледі, олардың қатарына окказионализм, метафора, антономазия және т.б. жатады. Жоғарыда аталған кейбір тілдік құбылыстарды талдау мысалында араластырудың қалыптасу механизмі көрсетілген. Концептуалды интеграция теориялары мен концептуалды метафора теориясының өзара ықпалы ережелерді, ұғымдарды салыстыру және тілдік бірліктерді талдау арқылы айқындалады. Мұндай талдау сенімді тұжырымдар мен қорытындылар жасауға мүмкіндік береді. Мақалада келтірілген мысалдар газет, журнал және көркем  мәтіндерден алынған.